ⵜⵉⵏⴳⴳⵉⴼⵉⵏ ⵏ ⵜⵎⵖⵔⴰ ⵖ ⵡⴰⵜⵍⴰⵙ ⴰⵎⵥⵥⴰⵏ
ⵜⵓⵛⴽⴰ ⴷ ⵜⴳⵓⵔⵉ ⵏ ⵜⵎⵖⵔⴰ ⵣⵉ ⴰⵎⵢⴰⴳ 'ⵖⵔ' ⵎⴰⵢⴰⴷ ⴰⵔ ⵉⵎⵎⴰⵍ ⵎⴰⵙ ⴷ ⵎⵉⴷⴷⵏ ⴰⵔ ⴰⵇⵇⵔⴰⵏ ⵉ ⵡⵉⵢⵢⴰⴹ ⴰⴼⴰⴷ ⴰ ⴷⵉⴷⵙⵏ ⴷⵔⵓⵏ ⵜⵓⵎⵎⵔⵜ ⵏ ⵍⵉⵜⵉⵀⴰⵍ.
ⴽⴰⵢⴳⴰⵜ ⵜⴰⵎⴰⵣⵉⵔⵜ ⴷ ⵜⵎⵢⵓⵔⵉⵏ ⵏⵏⵙ.
ⵜⴰⵎⵖⵔⴰ, ⵉⴳⴳⵉ ⵏ ⵡⴰⵜⵉⴳ ⵏⵏⵙ ⵏ ⵜⵓⵎⵎⵔⵜ , ⵜⴳⴰ ⵢⴰⵜ ⵜⴰⵡⵉⵍⴰⵜ ⵜⴰⵎⵙⴷⵡⴰⵙⵜ ⵏ ⵜⵣⴷⴰⵢⵉⵏ ⵜⵉⵡⴰⵎⵓⵏⵉⵏ ⴳⵔ ⵜⴰⵡⵊⵉⵡⵉⵏ ⴷ ⵜⴰⴽⴰⵜⵉⵏ, ⵏⵖⴷ ⵉⴼⴰⵙⵙⵏ.
ⴰⵎⴳⵔⴰⴷ ⴰⴷ ⵉⴳⴰ ⵢⴰⵜ ⵜⵙⵎⵓⵇⵇⵍⵜ ⵉⵙⵡⵔⵔⵉⵏ ⴰⵏⵍⵍⵉ ⵙ ⵎⴰ ⴷⴷ ⵢⴰⴳⵓⵔⵏ ⵖ ⵓⵎⵣⵔⵓⵢ ⵏⵏⵖ ⴰⵏⴰⵡⵎⵓⵏ, ⵙⵍⴰⵡⴰⵏⵜ ⴰⴽⴽⵯ ⵡⴰⴷ ⵉⵥⵍⵉⵏ ⵙ ⵜⵏⴳⴳⵉⴼⵜ ⴷ ⵡⵓⵔⴰⵔⵏ ⵏ ⵡⵓⵙⵙⴰⵏ ⵜⵎⵖⵔⴰ...
ⵉⵥⵉⴹ -ⵖ ⵡⵉⵙⵙ ⵙⵉⵏ ⵓⵙⵙⴰⵏ ⵓⵔⵜⴰ ⵜⵍⴽⵎ ⵜⵎⵖⵔⴰ.-
-ⴰⵔⵛⴰⵛ ⵏ ⵜⴰⴳⵓⵜ ⴰ ⵢⴰⵔⵛⴰⵛ ⵏ ⵜⴰⴳⵓⵜ
ⴰ ⴽⴽ ⵉⵄⴰⵡⵏ ⵔⴱⴱⵉ ⴰ ⵡⴰⵍⵍⵉ ⵉⴳⴰⵏ ⴰⴹⴰⵔ ⵖ ⵓⴷⵓⴽⵓ ⵉⴳ ⴰⴼⵓⵙ ⴼ ⵓⵖⵣⴰⵏ
ⵍⴰⵍ ⵏ ⵜⵎⵖⵔⴰ ⴳ ⴰⵔⴳⴰⵏ ⵉ ⵍⵇⵏⴷⵉⵍ
ⴰⵍⵍⵉⵖ ⵉⵔ ⴳⵯⵎⴰ ⵜⵉⴷ ⵥⵉⵍⵏⵉⵏ, ⵉⵍⵓⵃ ⴰⴱⵏⵏⴰⵡ ⴰⵔ ⴱⵏⵏⴰⵏ...
ⴰⵍⵍⵉⵖ ⵉⵔ ⴳⵯⵎⴰ ⵜⵉⴷ ⵥⵉⵍⵏⵉⵏ, ⵉⵍⵓⵃ ⴰⵅⵔⵔⴰⵣ ⴰⵔ ⴳⵯⵏⵏⴰⵏ
(ⵜⴰⵥⵉⵜ ⵏ ⴱⵍⵄⴰⵏⵉ ⴳⵔ ⵜⵎⵖⴰⵔⵉⵏ ⴷⴰⵔ ⵉⵥⵉⴹ)
-ⵉⵙⴳⴳⵯⴰⵙⵏ ⴰⴷ ⴽⴽⵉⵖ ⵍⵍⵉⵖ ⴼ ⵓⴹⵓⵃⴰⵏ;
ⴰⵔ ⵏⵥⵥⴰⴹ ⴰⴳⴳⵯⵔⵏ ⵉ ⵜⴱⵓⴽⴰⴹⵉⵏ!
- ⵎⵜ ⵔⴱⴱⵉ ⵜⵉⵣⴳⵯⵢⵉⵏ ⵃⵎⴰⵏⵉⵏ,
ⵉⵎⵉ ⵏⵏⴰ ⵏⵏⵎ ⵉⴳⴰ ⴰⵎ ⵡⵉⵏ ⵍⵄⴰⵔ!
ⵓⴼⵓⵖ ⵏ ⵜⵙⵍⵉⵜ
ⴰ ⵢⵍⵍⵉⴳ ⴷ ⴰⴹⴰⵔ ⵏⵏⵎ ⴰⴼⴰⵙⵉ
ⴰ ⵜⵜⴷⴷⵓⵜ ⴰⴷ ⴰⵎ ⵉⵅⵟⴰⵔ ⵔⴱⴱⵉ
ⵉⵏⵏⴰ ⴰⵎ ⴱⴰⴱⴰⵎ ⴰ ⵜⴰⵄⵢⵢⴰⵍⵜ
ⵎⴰ ⵖ ⵜⴳⵉⵜ ⵜⵉⵙⵓⵔⴰ ⵡⴳⴰⴷⵉⵔ
ⵜⵉⵙⵓⵔⴰ ⵏ ⴱⴰⴱⴰ ⵓⵔ ⵜⵏⵜ ⵓⵙⵉⵖ
ⵉⴳⴳⵉ ⵏ ⵍⵄⴹⵓⴱⴰⵜ ⴰⴳ ⵏⵏ ⵍⵍⴰⵏⵜ
ⴰ ⵉⵍⵍⵉ ⴰⴷ ⴰⴽⴽⵯ ⵓⵔ ⵜⴰⵍⵍⴰⵜ,
ⵉⵙⵜⵜⵎⴰⵎ ⴰⴷ ⴰⵎ ⴰⴽⴽⵯ ⵉⵙⵙⵓⵜⵍⵏ
ⴰ ⵉⵍⵍⵉ ⵏⵡ ⴰⴷ ⴰⵎ ⵓⵔ ⵜⵜⵉⵏⵉⵏⵜ;
'ⵉⵖ ⵢⴰⴷ ⵏⵥⴹⴰ ⵜⴰⵡⵉⵜ ⴰⴳⴳⵯⵔⵏ!'
ⴰ ⵉⵍⵍⵉ ⵏⵡ ⴰⴷ ⴰⵎ ⵓⵔ ⵜⵜⵉⵏⵉⵏⵜ;
'ⵉⵖ ⴷ ⵢⴰⴷ ⵏⵣⴷⵎ ⵜⴰⵡⵉⵜ ⵉⵖⵉⵍ!'
ⵉⵖ ⴰⵎ ⵏⵏⴰⵏⵜ ⵜⴰⴷⴷⵊⴰⵔⵉⵏ;
'ⴰⴽⵯⵉ ⴷ ⴷⴰⵔⵉ', ⵜⵏⵏⵉⵜ ⴰⵙⵏⵜ:
'ⵉⵍⵍⴰ ⵍⵃⵏⵏⴰ ⵉⵖⵯⵎⴰⵏ ⴷⴰⵔⵉ, ⵉⵍⵍⴰ ⵜⵜⵙⵡⵉⴽ ⵍⵃⵓⵔⵔ ⴷⴰⵔⵉ'.
ⵍⵍⴰⵀ ⵍⵃⴷⴷ ⴰ ⴱⴰⴱ ⵎⴰ ⴼ ⵏⵣⵉⵖ?
ⴰⵔⵔⴰⵡ ⵏ ⵢⴰⵏ ⵓⵔ ⴰ ⵜⵏ ⵉⵣⵣⵏⵣⴰ?
ⴰⵔⵔⴰⵡ ⵏ ⵜⴰⴳⵯⵎⴰⵔⵉⵏ ⴰ ⵉⵏⵣⵣⴰⵏ!
ⵍⵍⴰⵀ ⵍⵃⴷⴷ ⴰ ⴱⴰⴱ ⵎⴰ ⴼ ⵏⵣⵉⵖ?
ⵓⵔ ⵏⴳⵉ ⵉⵙⵎⴳ ⵓⵍⴰ ⵜⴰⵡⴰⵢⵢⴰ?
ⴰⵔ ⵏⵣⵣⵉⴳⵉⵣ ⵖⴰⵙⵙⴰ ⴷ ⴰⵔ ⴰⵣⴰⵍ
ⴰⵔ ⵏⵙⵃⵔⵉⵔⵉⴷ ⵖ ⵢⴰ ⵡⵜⴱⵉⵔ.
ⵜⴰⵙⴽⴽⵓⵔⵜ ⵍⵍⵉ ⵎⵓ ⵏⵏ ⵎⴷⵉⵖ,
ⵖⴰⵙⵙⴰ ⴷ ⴰ ⵢⵉ ⴽⵎ ⵖⵯⵉⵏ ⵉⵙⵍⴷⴰⵢ!
ⵏⵉⵡⵉ ⴷ ⵢⴰⵜ ⵜⵙⵍⵉⵜ ⵣⵓⵏⴷ ⴰⵢⵢⵓⵔ!
ⵉⴽⴽⴰ ⵏⵏ ⵖ ⵉⴳⵏⵡⴰⵏ ⵙⵉⵏ ⴷ ⵎⵔⴰⵡ!
ⴰⵡⴰⵍ ⵏ ⵟⵟⴰⵍⴱ ⴰⵡⴰⵍ ⵏ ⵉⵎⵃⴹⴰⵔⵏ!
ⴰⵡⴰⵍ ⵏ ⵡⵉⴷ ⴳⴰⵏⵉⵏ ⴰⵢⵜ ⵔⴱⴱⵉ.
ⴰ ⵢⴰⵢⵜ ⵓⵄⵎⵎⴰⵔ ⵄⴹⵔⴰⵜ ⴰⵖ!
ⴰ ⵍⴰⵍⵍⴰ ⵜⵉⵎⵣⴳⵉⴷⴰ ⴷⵄⵓ ⴰⵖ
ⴰⵎⵓⵙⵙⵓ ⵏ ⴱⵯⵎⴰ ⴰⴷ ⵙⴰⵍⴰⵖ!
*********
ⵓⵔⵜⴰ ⵓⴽⵛⵛⵓⵎ ⵏ ⵜⵙⵍⵉⵜ. (ⵜⴰⵎⴰ ⵏ ⵜⴰⴳⴳⵓⵔⵜ)
ⵉⵙⵜ ⵜⵙⵍⵉⵜ;ⵜⵉⵏⵔⵣⴰⴼ
ⵉⵙⵜ ⵉⵙⵍⵉ
ⵙⵙⴰⵍⴰⵎ ⵓⵄⵍⵉⵍ ⴰⴷⴷ ⵉⵣⴳⴳⵓⵔⵏ,
ⵡⴰⵄⴰⵍⵉⴽⵓⵎ ⵓⵙⵙⵍⴰⵎ ⴰⴷ ⵜ ⵉⴹⴼⵓⵔⵏ
ⵀⴰ ⵢⵢⴰⵖ ⵏⴱⴷⴷ ⴰⵡⵏⵜ ⵖ ⵉⵎⵉ.
ⴱⵔⵔⴽ ⴰⵎⵜ ⴰ ⵜⵉⵙⵄⴷⵢⵢⵉⵏ, ⴱⵔⵔⴽ ⴰⵎⵜ ⵜⵓⵙⵍⵎⵜ ⴱⴰⵀⵔⴰ.
ⵓⵔ ⵏⵃⵎⵉⵍ ⵎⴰ ⵢⴰⵖ ⵉⵙⵙⵄⴷⴰⵔⵏⵉ, ⴰ ⵜⴰⴱⴰ ⵢⴰⴳⴳⵓⴳ ⵓⵖⴰⵔⴰⵙ!
ⵉⵖ ⵢⴰⴳⴳⵓⴳ ⵜⵏⵙⵉⵎⵜ ⴷⴰⵔ ⵏⵖ,
ⵓⵀⵓⵢ! ⵏⴼⵍ ⵏⵏ ⵜⴰⵔⵡⴰ ⵎⵥⵥⵉⵏⵉⵏ.
ⵙⵙⴰⵍⴰⵎ ⵓⵄⴰⵍⴰⵢⴽⵓⵎ ⴰ ⵜⵉ ⴷ ⵖⵯⵉⵏⵉⵏ ⵉⴳⴳⵉ ⵏ ⵔⵔⵓⵣⵣⴰⵜ ⵏ ⵜⴳⵎⵎⵉ. (ⴰⵣⵓⵔ)
ⵡⴰⵄⴰⵍⵉⴽⵯⵎⵜ ⵙⵙⴰⵍⴰⵎ ⴰ ⵜⵉ ⴷ ⵢⵉⵡⵉⵏ ⴰⵢⵢⵉⵙ (ⵜⵉⵙⵍⵉⵜ) ⵏ ⵢⴰⴱⴰ (ⵉⵙⵍⵉ) ⵙ ⵓⵍⴳⴰⵎⵓ!
ⵓⵔ ⴰⵡⵏ ⵜ ⵉⴷ ⵏⵖⵯⵉ ⵙ ⵓⵍⴳⴰⵎⵓ, ⵔⴱⴱⵉ ⴷ ⵔⵔⵣⵇ ⴰ ⵢⵢⵉ ⴷ ⵢⵉⵡⵉⵏ!
ⵉⵣⴷ ⵉⵙ ⴰⵎ ⵍⴰⵃ ⵉⵊⵊⵉⴳⵏ ⵖ ⴷⴰⵔⵓⵏ?
ⵓⵔ ⴰⵖ ⵍⴰⵃ ⵉⵊⵊⵉⴳⵏ ⵖ ⴷⴰⵔⵏⵖ, ⵍⵍⴰⵏ ⴰⵢⵜⵎⴰ ⴷ ⵉⴷ ⵅⴰⵍⵉ, ⵉⵙ ⵓⴽⴰⵏ ⵏⴻⵏⵏⴰ ⴰ ⵜⵜⴱⵓⵔⵎⵜ!!!!
ⴰ ⴽⴽ ⵓⵔ ⵙⴷⵓⵢ ⵉⴷⴰⴷⴰⵏ ⴰ ⵢⴰⴱⴰ (ⵉⵙⵍⵉ) ! ⴰⵎⵥ ⴰⵙⵏⵜ ⵜⴰⵛⵛⵔⵉⴼⵉⵏ ⵓⴳⴰⴷⵉⵔ!
ⴰⵢⵍⵍⵉ ⵏⵡ ⴰ ⴷ ⴰⴽⴽⵯ ⵓⵔ ⵜⴰⵍⵍⴰⵜⵉ, ⵉⴼⵔⵃ ⴰⵎ ⴱⴰⴱⴰⵎ ⵓⵍⴰ ⵉⵏⵏⴰⵎ
ⴰ ⵢⵙ ⵏⵙⵙⵉⵔⴷ ⴰⴹⴰⵔ ⵏⵏⵙ ⴰⴼⴰⵙⵉ, ⴰ ⵜⴽⵛⵎ ⵜⵉⴳⵎⵎⵉ ⵏⵏⵙ ⵙ ⵍⵅⵉⵔ!
ⴰⴳⵯⵏⵙ ⵏ ⵜⴳⵎⵎⵉ
ⵎⴰⵏⵉⴽ ⴰ ⵓⴹⴳⴳⵯⴰⵍ ⵓⵔ ⴷ ⵢⵓⴳⴳⵉ? ⵉⵣⴷ ⵓⵔ ⵉⴼⵔⵃ ⵉ ⵜⵊⴰⵏⴰⵜ (ⵜⵉⵙⵍⵉⵜ)
ⵉⴷⴷⵓ ⴰⵔ ⵉⵜⵜⵙⵙⴰ ⵜ ⵜⵉⵖⵯⴹⵉⴼⵉⵏ (ⵜⵉⵥⵔⴱⴰⵢ), ⵖ ⵉⴷⴰⵍ ⴰⵙⵜⵡⴰⵏ ⵣⵓⵣⵡⴰⵏⵉⵏ!
ⵏⴼⵔⵃ ⴰⵎ ⵏⴼⵔⵃ ⵉ ⵜⵊⴰⵏⴰⵜ,
ⵙⵏⴷⵓⴷⵉ ⵙⵙⴻⵏⴷⵓⵇ ⴰ ⴳⵯⵎⴰ ⵃⵏⵏⴰ, ⵓⵔ ⵜ ⵢⵓⵙⵉ ⵉⵙⵎⴳ ⵓⵍⴰ ⵜⴰⵡⴰⵢⵢⴰ,
ⴽⵢⵢⵉⵏ ⴰ ⴼ ⴷ ⵉⵃⵣⵣⵎ ⴽⵔⴰ ⵜⴰⵏⵏⵉ ⵜ!
ⵜⴰⵍⵅⴰⵜⵎⵜ ⵏ ⵢⴰⴱⴰ ⵎⵏⵛⴽ ⴰⵙⵜ ⵉⴳⴰⵏ!
ⵢⵓⵣⵏ ⵜⵜ ⵢⴰⴷ ⵍⵎⵉⵣⴰⵏ.
ⴼⴽⴰⵎⵜ ⵓⵄⵢⵢⴰⵍ ⵎⴰ ⵉⵙⵉⴳⴳⵉⵍ, ⵉⴼⴽ ⴰⵡⵏⵜ ⵓⵍⵜⵎⴰⵙ ⵉⵚⴱⵔ ⵏⵉⵜ.
ⴰ ⵢⴰⴹⴳⴳⵯⴰⵍ ⵉⵏⵓ ⵍⵓⵃ ⵣⵣⴱⵉⴱ! ⴰⵡⵉ ⴷ ⴰⵎⴰⵏ ⴰ ⵄⵍⵉ!
ⴽⵓⵍⵍ ⵎⴰ ⵙ ⵜⵏⵏⴰⵎⵜ ⵉⵎⵍⴰ ⴰⵔ ⴷ ⵢⴰⵛⴽ! ⴰⵖⵓ ⵏ ⵜⵎⵍⵍⵉ ⴰⴷ ⴰⴽⴽⵯ ⵉⵣⵓⵣⵡⵓ.
ⵀⴰⵏⵏ ⵍⵄⵉⵏ, ⵍⵄⵉⵏ ⵖ ⴷⴷⵓ ⵜⴳⵎⵎⵉ! ⵍⵍⵉⵖ ⴰ ⵙⵙⴰⵏ ⵉⵙⴰⵏ ⴷ ⵔⵔⵎⴰ!
ⵉⵎⵏⵙⵉ ⵏ ⵜⵙⵍⵉⵜ ⴰ ⵢⵉⵍⵉ ⵓⴷⵉ, ⵢⵉⵍⵉ ⵜⴰⵎⵎⵏⵜ ⴰ ⵏⵉⵜ ⵉⵃⵓⴹⴳ (ⵉⵏⵇⵇⵉ)!
ⵏⴽⴽⵉ ⵓⵔ ⴰ ⵛⵜⵜⴰⵖ ⴰⵔ ⴷ ⴰⵏⵏⵉⵖ; (ⵜⵉⵡⵜⵍⵉⵏ 'ⵛⵛⵔⵓⴹ' ⴰ ⵢⵏⵏⴰ ⵎⵓ ⵖⵔⴰⵏⵜ ⴰ ⴷⴷ ⵉⵜⵜⵔⵙ)
*ⵎⵔⴰⵡ ⴰⵢⵜⵎⴰ ⴰⵔ ⴷⴰⵔⵉ
*ⴰ ⵜⵜⴰⴱⵍⴰ ⵏ ⵍⵎⴰⵍ ⴰⵔ ⴷⴰⵔⵉ...
*ⴰⵖⵔⵓⵎ ⵉⵖⵔⴰⵏ ⴰⵔ ⴷ ⵉⴳ ⵉⵎⴰⵔⵉⵢⵏ...
ⵜⴰⵣⵔⴰ-ⵜⵉⴼⵓⵍⵜ ⵏ ⵍⵍⵓⴱⴰⵏ- ⵜⴰⵔⴷⴷⴰⵃⵜ-ⵜⵉⵙⵔⵥⴰⵢ-ⵍⴽⵯⵎⵎⵉⵢⵜ-ⵜⵉⴱⵣⴳⵉⵏ (ⵜⴰⵏⴱⴰⵍⵉⵏ)
*************************
ⴰⵖⴱⴰⵍⵓ:
http://tamazgha.discutforum.com/t9-tinggifin-n-tmra-atlas-mzziyn
