ⵜⵉⵎⵣⴰⵔⵉⵏ
ⵃⴰⴱⴱⵍⵖ ⴰ ⴽ ⵜⵜⵉⵏⵏ ⵓⵔ ⴰⴽ ⵜⵜⵉⵏⵏ ⵎⵍⵉⵖ :
- ⵉⵏⵏⴹ ⵉ ⵜⵡⵔⵉⵔⵜ ⵉⴳⵓⵏ ?
(ⵍⵎⵓⵙⵙ ⵏ ⵓⵣⴰⴳⵓⵔ ⵏⵖ ⵏ ⵡⴰⵣⵣⴰⵔ ⵉⵏⵏⴹ ⵉ ⵢⵅⴼ ⵉⵇⵇⵏ)
- ⴽⴽⵓⵥ ⵏ ⵟⵟⵍⴱⴰ ⴱⵉⴷⴷⵏ ⴳ ⵓⵏⵥⴰⵔ ⵓⵔ ⴱⵣⵉⴳⵏ ?
(ⵉⴼⴼⴰⵏ ⵏⵖ ⵉⴱⴱⴰⵏ ⵏ ⵜⴼⵓⵏⴰⵙⵜ)
- ⵉⵣⴳⵔ ⴰⵙⵉⴼ ⵓⵔ ⵉⴱⵣⵉⴳ ?
(ⴰⵎⴰⵍⵓ ⵏⵖ ⴰⵙⴽⵍⵓ)
- ⵜⵍⴽⵎ ⴰⵎⴰⵏ ⵜⵃⵛⵛⵎ ?
(ⵜⴰⴷⵓⴽⵓⵜ)
- ⴳⴰⵏ ⴽⵕⴰⴷ ⴱⴱⵉⵏ ⴰⵎⴰⵏ, ⵢⴰⵏ ⵉⵥⵔⴰ ⵜⵏ ⵉⴳⴳⵔ ⴰⵙⵏ, ⵢⴰⵏ ⵉⵥⵔⴰ ⵜⵏ ⵓⵔ ⴰⵙⵏ ⵉⴳⴳⵔ, ⵢⴰⵏ ⵓⵔ ⵜⵏ ⵉⵥⵔⴰ ⵓⵔ ⴰⵙⵏ ⵉⴳⴳⵔ, ⵎⴰ ⴷ ⴳⴰⵏ ?
(ⵜⴰⵎⵖⴰⵔⵜ ⵜⵔⴱⴰ ⴰⵔⵔⴰⵡ, ⵜⵃⵎⵍ ⵙ ⵡⴰⵢⵢⴰⴹ ⵜⴱⴱⵉ ⴰⵙⵉⴼ.)
- ⴰⵏⵓ ⴼ ⵡⴰⵏⵓ ⴰⵎⴰⵏ ⵡⴰⵍⵓ ?
(ⴰⵖⴰⵏⵉⵎ)
0 التعليقات:
إرسال تعليق