ⵓⵛⵛⵏ ⴷ ⵉⵏⵙⵉ
ⴰⵔ ⵉⵜⴷⴷⵓ ⵉⵏⵙⵉ ⴷⴰⵜ ⵏ ⵡⵓⵛⵛⵏ.
ⴰⵍⵍⵉⵢ ⵢⴰⵏⵏⴰⵢ ⵜⵉⵇⴷⵉⴷⵉⵏ ⴷⴰⵜ ⴰⵙ.
ⵉⴱⵔⵔⵎ ⵖⵔ ⵓⵛⵛⵏ, ⵉⵏⵏⴰ ⴰⵙ :
-ⵡⵜ ⵢⵉ ⵙ ⵓⴱⴰⵔⵉⵇ.
- ⵎⴰⵅ? ⵉⵔⵓⵔ ⴰⵙ ⵡⵓⵛⵛⵏ.
- ⵛⴽ ⵄⵎⵎⵉ ⵓⵛⵛⵏ, ⴰⵔ ⵜⴷⴷⵓⵅ ⴷⴰⵜ ⴰⵛ.
ⵉⵡⵜ ⵜ ⵙ ⵓⴱⴰⵔⵉⵇ, ⵉⵏⵏⴰ ⴰⵙ:
- ⵄⴰⵢⴷ ⵖⵔ ⴷⴰⵔⵜ, ⵓⵔ ⴷⴰ ⵜⵃⵛⵛⴰⵎⴷ.
ⵉⴷⴷⵓ ⵡⵓⵛⵛⵏ ⴷⴰⵜ ⵏ ⵉⵏⵙⵉ.
ⵢⴰⵏⵏⴰⵢ ⵜⵉⵇⴷⵉⴷⵉⵏ.
ⵉⴱⵔⵔⵎ ⵖⵔ ⵉⵏⵙⵉ, ⵉⵏⵏⴰ ⴰⵙ:
- ⵎⴰⵜⵜⴰ ⵜⵉⵇⴷⵉⴷⵉⵏ ⴰ?
ⵜⵉⵏ ⵓⵎⵓⵜⵜⵍ, ⵓⵔ ⴷⴰ ⵜⴼⴼⵖⵏⵜ ⵅⴰⵙ ⴳ ⵡⴰⵔⵔⴰⵡ ⵏ ⵡⴰⵔⵔⴰⵡ ⵉⵛ.
- ⴰ ⵀⵏⵜ ⵜⵛⴻⵅ, ⵉⵏⵉ ⴰⵙ ⴰⴷ ⴼⴼⵖⵏⵜ ⴷⵉⵙⵏ.
ⵉⵜⵛ ⵜⴰⵎⵣⵡⴰⵔⵓⵜ, ⵉⵣⴰⵢⴷ ⵜⵉⵙⵙ ⵙⵏⴰⵜ, ⵜⴻⵟⵟⵉⵇⵙ ⵜⵙⵇⵇⵓⵔⵜ ⵜⴰⵎⵥ ⵜ.
- ⵜⵙⵃⵍⵍⵉⵍⴷ ⵖⵉⴼⵉ ⴷⵉⵛ ⵜⵉⵏ ⴱⴱⴰⵙ ⵏ ⴱⴱⴰⵛ.
-ⵀⴰⵜ ⴷⴰ ⵜⵣⵢⵢⵔ ⵖⵉⴼⵉ.
ⵢⵔ ⵜ ⴳ ⵡⴰⵎⴰⵏ, ⴰⴷ ⵜⴼⵙⵓⵙ , ⵉⵢⵔⴰ ⵜ ⵡⵓⵛⵛⵏ ⴳ ⵡⴰⵎⴰⵏ, ⵜⵣⴰⵢⴷ ⵜⵣⵢⵢⵔ ⵖⵉⴼⵙ.
-ⵀⴰⵜ ⵏ ⵜⵣⵢⴷ ⴰⵥⵢⵢⵔ, ⵉⵏⵏⴰ ⴰⵙ ⵡⵓⵛⵛⵏ.
-ⵙ ⵜⵜⴰⵡⵉⵍ ⴰⴷ ⵜ ⵏⴰⵏⵏⴰⵢⴷ ⵥⵥⵢⴰⵔⵏ ⵓⵏⵏⴰ ⵜ ⵉⴱⵏⴰⵏ.
ⴰ ⴷ ⵛ ⴽⴽⴰⵜⵏ ⴰⵔ ⴷ ⵢⵓⴼⵓ.
ⵉⵔⵓⵔ ⴰⵙ ⵢⵉⵏⵙⵉ.
****************
ⵢⵓⵔⴰ ⵜ : ⴷⵉⵍⴰⵢ ⵙⵙⴰⵍⵉⵃ
ⵜⴰⵡⵉⵣⴰ - ⵓⵟⵟⵓⵏ 73 -2003
