ⵣⵉⵔⵉ ⴷ ⵓⵊⵖⵓⵍ
ⵢⴰⵏ ⵡⴰⵙⵙ ⵖ ⵡⵓⵙⵙⴰⵏ ⵏ ⵜⵏⵓⵔⵥⵎⵜ ⵏ ⵓⵏⴱⴷⵓ, ⵉⵙⴽⵔ ⵣⵉⵔⵉ ⴷ ⵉⵎⴷⴷⵓⴽⴽⴰⵍ ⵏⵏⵙ ⴰⴷ ⴷⴷⵓⵏ ⵙ ⵓⴼⵜⴰⵙ.
ⵍⵍⵉⴷⴷ ⴰⵙⴽⴽⴰ, ⵜⴰⵎⵥ ⵜ ⵜⵎⵣⵔⵉ, ⵓⵔ ⵙⵓⵍ ⵢⵓⴼⵉ ⴰⴷ ⵉⴷⴷⵓ ⵙ ⵓⴼⵜⴰⵙ, ⴰⵔ ⵢⴰⵍⵍⴰ.
ⵉⵎⵉⴽⴽ, ⵉⵙⵍⵍ ⵉ ⴽⵔⴰ ⴰⵔ ⵉⵜⵜⵏⵇⵇⴰⵔ ⵜⴰⴳⴳⵓⵔⵜ.
ⵉⵙⵇⵙⴰ ⵣⵉⵔⵉ ⵉⵎⵎⴰⵙ ⵖ ⵎⴰ ⴰⴷ ⴷ ⵢⵓⵛⴽⴰⵏ. ⵜⵔⴰⵔ ⴰ ⴷ :
''ⴰⵎⴷⴷⴰⴽⴽⵯⵍ ⵏⵏⴽ ⵎⴰⵙⵉⵏ ⴰⴷ ⴰⴽ ⴷ ⵉⵚⵚⵉⴼⴹⵏ ⵢⴰⵜ ⵜⵔⵣⵣⵉⴼⵜ.''
ⵢⴰⵙⵉ ⵜⵜ ⵣⵉⵔⵉ; ⵉⵔⵥⵎ ⵜⵜ, ⵉⵙⵙⵓⴼⵖ ⴷ ⴳⵉⵙ ⵢⴰⵏ ⵓⵊⵖⵓⵍ ⴰⴼⴰⵍⴽⴰⵢ. ⴰⵔ ⴳⵉⵙ ⵉⵙⵎⵓⵇⵇⵓⵍ ⴰⵍⵍⵉⵖ ⵉⵕⵎⵉ, ⵉⵙⵔⵙ ⵜ ⵖ ⵉⴳⴳⵉ ⵏ ⵢⴰⵜ ⵜⴷⴰⴱⵓⵜ ⵜⵎⵥⵢⴰⵏⵜ.
ⵜⵙⴰⵇⵙⴰ ⵜ ⵉⵎⵎⴰⵙ :
''ⵎⴰ ⴽ ⵢⴰⵖⵏ? ⵓⵔ ⴽ ⵜⵙⵙⵓⵙⵎ ⵜⵔⵣⵣⵉⴼⵜ ⵏ ⵎⴰⵙⵉⵏ ! ⴼⴽ ⵉⵢⵉ ⵜⵜ ⵉⴷ ⴰⴷ ⴰⴽ ⵎⵍⵖ ⵎⴰⵎⵏⴽ ⴰⴷ ⴰⵙ ⵜⵙⴽⴰⵔⵜ.!''
ⵜⴰⵎⵥ ⴰⵊⵖⵓⵍ ⵍⵍⵉ, ⵜⴳ ⵜ ⵉⵏⵏ ⵖ ⵉⴳⴳⵉ ⵏ ⵜⵎⵥⵥⵓⵖⵜ ⵏ ⵣⵉⵔⵉ. ⵜⵙⵇⵙⴰ ⵜ ⵉⵙ ⴰⵔ ⵉⵙⵙⴼⵍⵉⴷ ⵉ ⵜⴰⴹⴹⴰⵏⴳⵉⵡⵉⵏ ⵏ ⵢⵉⵍⵍ. ⵉⵔⴰⵔ ⴰⵙ ⴷ ⵙ ⴽⵉⴳⴰⵏ ⵏ ⵜⵓⵎⵔⵜ:
''ⵢⴰⵀ ⴰ ⵉⵎⵎⴰ ⴰⵔ ⴰⵙⵏⵜ ⵙⵙⴼⵍⵉⴷⵖ, ⵣⵓⵏⴷ ⵉⵖ ⵍⵍⵉⵖ ⵖ ⵓⴼⵜⴰⵙ. ⵜⴰⵏⵎⵎⵉⵔⵜ. ⵉⵇⵇⴰⵏ ⴷ ⴰⴷ ⵙⵏⵉⵎⵎⵔⵖ ⴰⵎⴷⴷⴰⴽⴽⵯⵍ ⵉⵏⵓ ⵎⴰⵙⵉⵏ.''
ⵜⴰⵎⴰⵡⴰⵍⵜ
ⵜⵉⵎⵣⵔⵉ: ⴰⵟⵟⴰⵏ, ⵜⴰⵎⴰⴹⵓⵏⵜ, ⵔⵀⵔⴰⵛ.
ⵜⵙⵙⵓⵙⵎ: ⵜⵄⵊⴱ
ⵜⵓⵎⵔⵜ: ⵍⴼⵔⵃ
ⴰⵊⵖⵓⵍ : ⴰⵖⵍⴰⵍ, ⴱⵓⵊⵖⵍⴰⵍ
ⴰⵖⴱⴰⵍⵓ : ⵜⵉⴼⴰⵡⵉⵏ ⴰ ⵜⴰⵎⴰⵣⵉⵖⵜ 2
0 التعليقات:
إرسال تعليق